Shaher ke baahari ilaake me ek chai ki dukaamn pe ek aadhed umra kaa aadmi badi bachaini se kabhi apni ghadi aur kabhi aas paas dekh raha tha.uske haath me chai ka glass tha jisme bhari chai ab bilkul thandi ho gayi thi.dukaan pe uske alawa aur bhi teen chaar log the.
dukaan wale se cigrette lekar usne jalaya aur fir time dekha.
"ye chu**a Chhotu kaha mar gaya?bh***ke ko bola tha jiyaada andhera ho jaaye uske pehle aa jaane ko.marwayega kisi din."wo man hi man Chhotu ko gaaliya de raha tha.cigrette uske haath me aise hi pakda hua thawo ab uth khada hua.aur chai wale se bola-"kitna hua be?"
"Kallu bhaiyya,30 rupaye ho gaye."

usne pachaas kaa ek note chai wale ko thamaya aur bola-"baaki cigrettes de de."
cigrettes lekar wo jaise hi ghuma saamne se bike par Chhotu aata dikhayi diya.uski aankho me chamak aa gayi.bike uske pass aake ruki.
"abe chu***e,kitni der laga di?"Kallu gurraraya.
"ustad gaali baad me dena. jaldi baitho. badhiya shikar haat laga hai. jaldi"bike par sawar Chhotu teji se bola.usne helmet pahn ke rakhha tha.
Kallu ne bina kuchh kahe dukan ke pass rakhha apna helmet uthaya aur bike ke pichhe baith gaya.Chhotu ne teji se bike aage badha di.
Kallu : kahan hai?
Chhotu: ustaad, ye road aage baayi aur mudta hai.wahan se wo jaa rahi hai. akeli hai,
Kallu : sadak kaisi hai aage se?

Chhotu : ustad,koi khatra nahi,koi chauraha nahi. saaf nikal lenge. aap time waste mat karna.
chootu ne raasta mudte hi bike rok di.aur bola - "ustaad wo saamne dekho." Kallu ne dekha sumsaan sadak par wahan se karib 300 meter ki duri pe ek aurat kuchh saamaan lekar jaa rahi thi.
Kallu : pakka hai na?
Chhotu: are ustad,pakka .hari pannio wala hai.main toh yahan se bhi drkh sakta hun.
usne apna helmate pahente hue bola - "chal.rukna mat. bike me petrol hai naa?"

Chhotu : "full tanki hai,ustad." aur usne apni bike teji se uss aurat ki taraf dauda di.Kallu pichhe ki seat per chaukanna hokar baitha tha.
Chhotu ne bilkul wo aurat ke baaju me jaakar apni bike thodi speed kam ki aur chillaya - "ustad..
wo aurat kuchh chaunki.usne bike ko apne pass dekhkar hatne ki koshish ki.tabhi Kallu ne teji se wo aurat ke gale me pada mangalsutra zapatkar khincha.wo aurat ghabra gayi aur chillayi - kya hai? kaun ho?
Chhotu : ustad jaldi...

Kallu ne do-teen baar wo mangalsutra khincha.wo aurat samaz nahi paa rahi thi kya ho raha hai.usne Kallu ko dhakka diya.per tabtak Kallu ne mangalsutra khinch liya tha.aur chillaya - "Chhotu nikal.ho gaya "
Chhotu ne teji se bike chalayi aur aage seedhe raaste pe nikal gaya.Kallu pichhe ki seat par baitha haanf raha tha.uske haath pe uss aurat ke naakhoon lagne se khoon nikal raha tha.wo dono ko pichhe uss aurat ki chikhe sunayi de rahi thi.
Kallu : teji se..
Chhotu ne aur speed badhayi aur thodi hi der me wo dono wahan se kaafi door nikal chuke the.Chhotu ne apna bike ek jhopadpatti jaisi basti me ghusa diya. aur ek garrage pe rok diya.aur jor se chillaya - "Hanif...oye Hanif...
garage wala Hanif daudta hua bahar aaya.
"kya hai re tapori"

"isko nipta.humme dusra de.hisab baad me le lena.jaldi kar abhi."
Hanif ek pal me samaz gaya usse kya karna tha.
"bike aage wali gali me pada hai.ruk main chabi deta hun.isse andar daal de"
Chhotu ne apna bike Hanif ke garage me andar rakh diya.aur Hanif se chabi lekar Kallu se bola-"ustad aap andar hi ruko.main bike lekar aaya."
Hanif ne Kallu se kaha-"ustad,tagda maal haat lag gaya lagta hai?"
Kallu-" chup be bha*we.kaam kar.bike ki surat badal dena."
Hanif: are kabhi galti huyi hai kya?

Kallu : eaat ko aakar hisaab dekh lenge.
Hanif: koi nahi ustaad.aap jab chaahe aa jaana.
tabhi Chhotu dusara wala bike lekar aaya aur horn bajaya.Kallu teji se Hanif ke garrage nikla aur Chhotu ke pichhe baith gaya.Chhotu ne bike teji se aage ki taraf dauda di.....
**********
Kallu apni kholi me ek khat pe baitha hua apne haath pe lagi patti ko dekh raka tha.usse kuchh ajeeb si bechaini ho rahi thi.reh rehkar usse wo aurat ki aawaz sunayi deti thi.pata nahi kyun usse lag raha tha wo aawaaz usne suni huyi hai. Kallu ek chain snatcher tha. usne iss dhandhe me kaafi maharath haasil kar li thi.Chhotu uska shagird tha.do no hi milkar mahine me ek-do baar aisi chai-snatching kiya karte the.Kallu gehri soch me duba hua tha.tabhi Chhotu ki aawaaz uske kano me padi-
"ustad,kaisa hai abhi haath me?dard ho raha hai kya?"

Kallu : are naa. maamuli kharos hai,khana khaya tune?
Chhotu: haan ustad.... ustad kuchh upset lag rahe ho?kya baat hai?
Kallu : pata nahi Chhotu.muze lagta hai wo aurat ,uski aawaaz jaani pehchani hai.kuchh samaz nahi aa raha.
Chhotu: are ustad,hum jaise lafango ko kaun jaanega?
Kallu: haan ye bhi hai.khair,abhi tu ek kaam kar,Hanif ke waha jaa..aur hisab bhi de ke aa.
Chhotu : wo toh main jaa raha hun.par ustad..aaj humne kya udaaya wo chiz toh dikhao..
Kallu bola "are meri jeb me hi hai.maine bhi dekha nahi abhi. laa toh jara gekhte hai...
Chhotu ne deewar pe tange Kallu ke pent ki jeb se shaam ko udaaya hua mangalsutra nikala aur khushi se bola - "maa kasam ustad,kya tagda haath maara hai aaj humne.baga hi khoobsurat hai."

Kallu bola "laa muze de. dekhne de toh jara..
Chhotu ne jaise hi wo mangalsutra Kallu ki taraf badhaya ,usse dekhkar Kallu hairan reh gaya.uske sar par paseene ki boonde ubhar aayi.wo aankhe faad faad kar apne haath me pakde mangalsutra ko dekh raha tha."ye to..ye to...hey bhagwan..."wo man hi man badbada raha tha."kahin ye wahi toh nahi...?"uske dil ki dhadkane tez ho gayi.pura badan pasine se naha gaya. Chhotu ne puchha - "ustad,kya hua?tabiyat to thik hai naa?" par Kallu ko maane saanp sungh gaya tha.uske dil-o-dimaag me tej aandhi chal rahi thi.jo usse khinch ke apne atit me liye jaa rahi thi.Kallu ki saanse teji se chal rahi thi.
"ustad..ustad..."Chhotu ne Kallu kaa kandha pakadkar hilaya "tum thik to ho naa?"
Kallu ek dum jaise nind se jaaga."ye kaise ho sakta hai?"uske muh se dhimi aawaz nikli.
"kya kaise ho sakta hai?"chhoyu ne puchha."ustad..kya hua?"

Kallu ekdum se maano nind se jaaga.aur bola - "Chhotu,kuchh nahi.thik hai.tu Hanif ke waha nikal.paise lekar jaana. fir subah me milte hai."
Chhotu ne kaha - "sach ne?yum thik toh ho na?doctor ke pass jaana hai?"
Kallu itne sawalo se chidh gaya " are kuchh nahi hua chu**ye.tu jaa naa abhi.muze aaram karne de."
Kallu ki gaali sunke Chhotu ko haash hui."thik hai.main nikalaya hun."aur wo kholi kaa darwaza band karke nikal gaya.
ab kamre me Kallu akela tha. usne apni mutthi me jor se wo mangalsutra pakadkar rakhha hua tha. uske haath kaanp rahe the.dil teji se dhadak raha tha.usne apni mutthi kholi, -"he bhagwan.." uski nazar mangalsutra ke pendal ki aaju bbju bani hari pannio pe atak gayi. wo hi design.. usne apne kaanpte hue haatho se pendal kaa pat khola.ander ek ladka aur ladki ki tasveer ,chhoti size me kaat kar chipkaayi hui thi.Kallu kaa dil jaise baith gaya. uski aankho se aansoo nikalkar wo tasveer pe gir rahe the. ab usne wo ladki ki tasveer dekhi.aur wo fut fut kar ro pada."Padma..."wo jor se chillaya... pachhis saal ho gaye..he bhagwan...
********