Bahr joro ki baarish aur tez hawayon ka silsila Jaari tha. Bijli ki karkarahat se saara aasmaan goonj rha tha. Itne mei baarish ki boondo ki maar jhelta hue ik premi jorha sir pr haath rkhe restaurent ke andar Daakhil hua. Andar daakhil hote hi restaurent mei faili garmahat ko mehoos krke unke chehre khil uthe aur wo kisi khaali table ko dhoonhe ki koshish krne lge. Thori door nazar dorane pr unhe ik kone mei khaali table dikhayi diya aur pal bhar mei wahan birajmaan ho jate hai.Mai haath mei tray pakre hue unke paas baithe ik shaksh ko uska order de rha tha ki meri nazar us jorhe pr parhi. Meri taraf ladki ne peeth ki hui thi jiske khule hue lambe-lambe baalon pr baarish ki bheegi boondhe motiyon ki tarah chamak rhi thi. Uski aawaz mei ik ajab si madurta thi jo muje kisi apne ki bhut yaad dila rhi thi.

Table pr order rkhte hi mai unke paas gya. aur bare adab se pucha.

mai- boliye sir kya lekar aaye aapke liye?

ladka- bolo kya khaogi? ladke ne apni gf ki taraf dekhte hue bola.

ladki- jo tum mangwa lo. ladki ne ladki ki taraf dekhte hue pyaar se jawaab diya.

Ladka- nhi nhi...jo tum kahogi mai bhi wohi khayungaa?

ladki- nhi..jo tum kahoge woh....

Dono ladka ladki ik dusre se puch rhe the aur mai khara khara unke is pyaare andaaz ko dekh kr man hi man kitne dino ke baad khusyion ka swaad le rha tha. Unki yeh baatein sunkr muje apne purane time ki batein bhi bhut yaad aaane lagi ki kaash mai b aise hi kisi restaurent mei apne pyaar ke saath khana khaane aata aur humare beech bhi aisi hi pyaari si confusion hoti. Ladki ko maine dekha to dekhte hi mujhe apni guzri zindagi ki thori si dhundli ho chuki tasveer saaf saaf nazar aane lagi. Uska chehra bilkul mere pyaar ki tarah khila hua tha. gaalon pr laal rang ka pehra aur aankhon mei kajal uski tarafdari kr rhe the. Gulaab ke foolon se udhaar liya hua honthon ka laal rang aur is jannat si khoobsurti ki rakhwali krne ke liye chin ke beecho beech baitha hua til.Uski khoobsurti ko bayaan krne ke liye jitne b lafz khun woh kam hi prte.

Phir ladke ne meri aur dekhte hue pyaari si hasi ke saath kaha " bhaiya ap do cup Coffee le aayo " aur wo aur wo ladki phir menu ko hathon pe parkar khaane ki chizon ke baare mei apni pasand napasand dekhne lage. Mere chehre pr halki si smile thi lakin mere dil ke ik kone mei aansuon ki barsaat ho rhi thi.

"okz sir aur kuj aur lenge aap" maine pucha.

"nhi bhaiya abhi bs yahi" us ladke ne jawaab diya.

Maine vapis jakr andar order diya aur apni jagah pr aakr baith gya.Ittefaq se Jahan pr mai baitha tha unka table thori door uske bilkul saamne hi tha.Mai Unko bre dhyaan se dekhne laga...Khusyion ke bhare hue guldaston mei do haseen aur khile hue gulaab ke phoolon ki tara wo poore restaurent mei chamak bikher rhe the.Mai kuj aur sochta ki unka order ready ho gya tha aur mai unko dene ke liye seat se utha aur unke table pr pahuncha diya. Aur phir se mai vaapis apni seat pr jaakar baith gya.


Mujhe waiter ki naukri krte hue sirf 2 hi mahine hue the . Vaise to yeh restaurent bhut bhara hua rehta tha lakin aaj baarish ki vajah se bhut kam log aaye the isliye restaurent bhi laghbahg khaali prha tha aur kam orders ki vajah se kaam bhi bhut kam tha. Mai dono ko hass hass kr baatein krte hue dekh skta tha aur unki hassi mei faili wo khushiyon ki goonj bhi sun rha tha. Ladka bhi kaafi ucha lamba jawaan tha. Bhut hi bare ghar ka lag rha tha. Dono ki jodi aisi thi jasie bhagwaan ne unko ik duje ke liye hi bnaya ho. Mai unko dekhta hua apne hi khyaalon mei kho gya....

"College mei pehla saal aur pehla hi din jab class mei enter hote hi meri nazar us pr prhi thi. Use dekhte hi aisa laga tha jaise meri pehli aur aakhir manjil us pr hi khatm hoti hai. Pehlibaar zindagi mei aisi koi ladki miii thi jisse dekhkr dil ne seedha jawaab diya ki "Yeh hai tera Pyaar". Uski bhi nigahen jab meri aur prhi to woh b mujme kuj kho si gyi thi. Mai piche baithta tha isliye us din bhi mai apne dost Sonu ke saath jakar piche baith gya. Mere baithte hi usne ik baar phir se peeche murh k mujhe bre pyaar se dekha. Maine bhi use dekhte hue ik pyaar se bhari hui muskurahat di.

Mere dil ki ik aawaz keh rhi thi ki ja jaldi pupose kr de. kya pata koi aur baji na maar ley aur doosri aawaz yeh keh rhi thi ki abhi tk to bas uske husn ka hi jalwa dekha hai, uska man kaisa hai yeh bhi janna jaroori hai. aur shayad pehle se wo kisi ke saath pyaar ke bandhan mei kaid ho chuki ho. Ya aisa bhi ho skta hai ki woh mujhe sirf dost ki hasiyat se hi pyaar kre. Vaise itna sbh kuj mere man mei ik saath chal rha tha lakin us waqt mera dil bas sirf aacha hi soch rha tha. maine faisla kiya ki mauka paate he mai usse baat krke dekhunga.

Usi din jaise bhagwaan ki marzi ho ki mai usse achanak class ke andar aate hue takra gya. wo class ke bahar ja rhi thi. Hum jab takraaye to us waqt last lecture bs khatm hone vala tha aur teacher ke na aane ke vajah se sbh idr udr goom rhe the. shayad wo ghar ke liye nikal rhi thi . Takrate hue hamare haathon mei jo books thi wo zor se niche giri.

Me- ohh..i m so sorryy..maine maafi mangte hue kaha.

Sunaina- Itzz okzz....aur wo niche jhukti hui books uthane lagi.

Me- thanks...waise by the way apka naam kya hai? Maine bhi jhuk ke apni books uthayi aur uski b help krne laga.

Sunaina- sunaina...bre hi pyaar se jawaab dete hue kaha.

Me- woww...what a sweet name sunaina...

Sunaina- aur aapka naam? usne bri meethi si aawaz mei sawal kiya.

Me- i m sagar.......maine haath aage barate hue kaha.

Sunaina- nice to meet u mr sagar. Aur usne b haath barakar hand shake kiya

Aur phir wo pyari si smile krti hui bahar chali gyi aur maine ik zor ki saans bhari aur vapis shorte hue chair pr baith gya. maine socha ki kal to usse baat aage jaroor barayungaa. Mai bhi phir ghar chala gya.


Ghar pr jaakar uski khoobsoorti, wo aawaz, wo sadgi se bhari ada ne to jaise mujpr jaadu sa kr diya tha. Us din ik bhi lamha aisa na guzra jab maine use yaad na kiya ho. Mai us din itni baat se hi khusian mna rha tha ki usne mujse pyaar se baat ki hai. Phir mai sochta sochta raat ko uske hi sapno mei khoo gya aur na jaane kab meri aakh lagh gyi.

Agli subah main jaldi se tayaar bhi ho gya aur mere gharwalon ko yakeen nhi aa rha tha ki mai itni jaldi college ja rha hun. main colege ke shuru hone se 10 minutes pehle hi class mei jaakar baith gya. Ik -ik karke sabhi larke aur larkiyan andar daakhil hoti gye. Sbhi hairan the ki aaj mai kaise pehle aa gya tha. Sabhi aa gye the lakin jise mai dhundh rha tha woh mujhe kahin dikhayi nhi de rhi thi. Teacher bhi class mei aa gye aur lecture ki ganti bhi baj gyi lakin sunaina abhi tk nhi aayi thi.

Kal jitni khushi hui thi aaj usse kahin jyada niraasha ho rhi thi.Main sir niche krke table pr jaise pen se uska chehra sa banane laga. Lakin tabhi mere kaano ko ik meethi si aawaz sunayi di

"may i come in mam?" yeh sunaina ki aawaz thi . jisne aaj safed rang ka pajami suit pehna hua tha wo kisi angel se kam nhi lag rhi thi.

Mere chehre pr aapne aap ik badi si smile aa gyi. jab wo apni seat pr baithne lagi to usne phir se mujhe bre pyaar se dekha aur maine bhi kal ki tarah muskurahat ke saath jawaab diya.