13 Feb 2012, Time 5:00 PM
Court room
“Aap dono yahan sign kar dein, Apni apni copy le kar ab aap jaa sakte hain.” Itna sunte hi mae khushi ke mare uchhal pada.
13 Feb 2012, Time 6:00 PM
Ek madhushala mein baitha, sharaab ke nashe mein dubta chala jaa raha mae, aaj bahut khush hun, barson baad aaj aazadi ki saans le raha hun, aaj mera talaak ho gaya hai.
13 Feb 2012, Time 8:00 PM
Mae ek garden mein lage bench par baitha saamne chalte hue fawwaron ki taraf dekh raha hun aur wahan lage speakers mein se madhur vadya sangeet mere kaano mein sunai de raha hai. Halki halki thandi hawa ka jhonka aata aur saath mein raat ki rani ki khushbu aur fawwaron ki kuchh boonde mujh tak Pahunchata. Par Na jane kyon, ye sab mujhe ab achha nahi lag raha… ek bechaini si hai mann mein, lag raha hai jaise mae zindagi ke kisi test mein fail ho chuka hun.
Mae gum-sum sa fawwaron ko dekh raha hun tabhi meri ex-wife fawwaron ki dusri taraf lage bench par aa kar baith gai. Usse dekh kar mae aur bechain ho gaya. Hum ek dusre se ab nazre bhi nahi mila paa rahe hain.
Ek zamana tha jab hum dono yahin mila karte thay, saath baith kar ghanton pyaar bhari baatein karte thay. Par Shaadi ke baad wo pyar na jaane kahan kho gaya aur aaj hum aamne saamne hote hue bhi bahut door ho chuke hain.
13 Feb 2012, Time 8:15 PM
Ek buzurg mahila mere saath bench par aa kar baith gai, maine fawwaron ke dusri taraf dekha to ek buzurg aadmi meri ex-wife ke saath baitha hua tha.
Wahan baithe baithe mae apni shaadi se pehle ke dino mein kho gaya, jab hum ek dusre se milne ke liye tadpa karte thay.Mujhe yaad aane lage wo din jab hum ek dusre se pehli baar yahan is garden mein mile thay. Wo aise hi dusri taraf mere saamne ke bench par baithi hui thi. Fawware chal rahe thay aur thandi hawa ke jhonke us din bhi kabhi mujh par kabhi us par paani ki kuchh boonde barsa kar us mahaul ko romani bana rahe thay. Yahi raat ki rani ki khushbu mere jazbaton ko aur romani banati chali jaa rahi thi.
Ab mae roz ussi garden mein pahunch jaata aur wo wahin us bench par baithi dikhti. Samay guzarta gaya aur ek din mae seedha uske paas gaya aur saath baith gaya. Maine kuchh idhar udhar ki baatein shuru ki to wo bhi mujhse baatein karne lagi. Ab roz hamari mulakaton ke silsile shuru ho chuke thay aur kab ye silsile pyar mae badal gaye pata hi nahi chala.
Ab hum ek dusre se milne ke liye tadpa karte thay. Yahan bench par baithe ghanto pyaar bhari baatein karte aur ek din hum dono ne shaadi ka faisla kar liya. Ghar walon ki razamandi se hamari shaadi bhi ho gai.
Sab kuchh bahut achha chal raha tha par samay ne apna pahiya ghuma hi diya. Hum dono apne apne kaamon mae mashroof hote chale gaye. Aur is wajah se ek dusre ko poora samay nahi de paa rahe thay. Hamari chhoti moti nok-jhonk bhi ab shuru ho gayi thi. Kaam ka itna tanaav tha hum dono par ki ab hum kuchh bhi baat karte to jhagda shuru ho jaaya karta tha. Hamare itne jhagde shuru ho gaye ki ab ek dusre ki maujudgi bhi hame kaatne ko daudti thi.
Aakhirkaar humne faisla kiya aur aapsi razamandi se talaak le liya. Hum jo chahate thay humein mil gaya fir bhi mae aaj khush hote hue bhi dil ke kisi kone mae kuchh dard ko mehsoos kyon kar raha hoon? Mujhe samajh nahi aa raha, aisa kyon ho raha hai. Na jane kyon meri aankhon mein nami si mehsoos ho rahi hai. Kyon mera dil aur dimaag mera saath nahi de raha? Mae khush hote hue bhi aakhir khushi mehsoos kyon nahi kar paa raha? Aakhir ye kaisa dard hai? Aise kitne hi sawaal mere zehan mae aa kar mujhe bechain kiye jaa rahe hain.
13 Feb 2012, Time 9:00 PM
Meri aankhon mae nami ko dekh, wo buzurg mahila jo mere saath bench par baithi hain mujhse poochne lagi “Beta kya hua? Udaas Kyon ho”. Maine unse kaha, “Nahi mataji udaas nahi, aaj to bahut khushi ka din hai mere liye. Aaj to mujhe azaadi mili hai apni jhagdalu biwi se. Aaj maine puri tarah chhutkara paa liya hai us se talaak le ke. Shayad ye Khushi ke ansoo hain.”
Tabhi mataji boli “Tum khush to nahi lag rahe, tumhare chehre par mae dukh ko dekh paa rahi hun, ye agar khushi ke aansoo hote to mae tumhare chehre par raunak dekh paati par yahan to kewal gham ke baadal hi dikhai de rahe hain”.
Mujhe unki baatein sun kar laga jaise wo meri us bechaini ka kaaran jaanti hon, jo mujhe khud ko samajh nahi aa rahi. Maine unse ye poochna chaha par mere poochne se pehle hi unhone ek gehri saans li aur boli, “ek kahani sunoge?” Maine apna sir haan mae hila diya.
Mataji ne kahani shuru karte hue kaha ye meri apni kahani hai, dhyaan se sunna aur samajhna.
13 Feb 2012, Time 9:15 PM
“Baat tab ki hai jab mae 18 saal ki thi. Mere saamne wale ghar mein wo raha karte thay. Mae apne kamre ki khidki kholti to saamne wo dikh hi jaaya karte thay. Aur jis din wo na dikhte mujhe bechaini si hone lagti thi.”
“Samay guzarne laga ab wo bhi mere kamre ki khidki khulne ka intezaar karne lage. Mae jab bhi khidki kholti unhe saamne hi paati. Us zamane mein telephone aur mobile to hua nahi karte thay, isliye humne aankhon se baatein karni seekh li thi.”
“Ek din hamare mohalle mae kisi ki shaadi thi. Mere mata, pita, bhai, behan sab wahan jaa rahe thay par meri tabiyat theek na hone ke kaaran mae nahi gai, ghar par hi ruk gai aur sochne lagi kaash mae bhi jaa paati, aur unka deedar ho pata. Pura mohalla ab shaadi par jaa chuka tha. Maine khidki kholi to ittefaq se wo bhi apni khidki par khade thay. Mae bahut khush ho gai unhe dekh kar. Unhone mujhe ishare se bahar bulaya aur mae bhaagti hui bahar pahunch gai. Itne nazdeek se pehli baar maine unhe dekha aur unhone mujhe. Wo bole jab sab shaadi par jaa rahe thay, tum mujhe unke saath jaati hui dikhai nahi di, to mae bhi ruk gaya. Is par maine unse poocha “Kyon, aakhir hum lagte kya hain aapke?” Unhone kaha, “Tumhe mae pasand karta hun, kya tum bhi mujhe chahati ho?”
“Mae sharma kar ghar ke andar bhaag gai. Mera jawaab jaan ne ke liye wo bhi mere peeche peeche andar aa gaye. Mujhe aaj bhi yaad hai wo geet jo us waqt radio mae baj raha tha”
“Ehsaan tera hoga mujhpar, dil chahta hai wo kehne do.
Mujhe tumse mohabbat ho gai hai, mujhe palkon ki chaav mae rehne do.”
“Mae sharma bhi rahi thi aur darr bhi rahi thi. Unhone fir se poocha “Tumne mujhe jawaab nahi diya” Us par mae boli “Ye jo geet baj raha hai, issi mae kahin mera jawaab bhi chhupa hai.” Tabhi unhone mujhe apni baahon mae bhar liya. Mae ghabra gai aur seediyon ki taraf bhaagi, ek dam se mera paun fisla aur mae girti hui fir neeche unke saamne aa gai. Meri ek laat toot gai thi. Mae dard mae karahane lagi. Unse dekha na gaya aur mujhe apni baahon mae utha kar wo baahar ki taraf bhaage aur paas wale haspatal le jaa kar mujhe wahan bharti karwa diya.”
“Unke apne saath hone ke ehsaas ne hi mera aadha dard door kar diya tha. Maine unki taraf dekha to unki aankhen namm thi. Shayad mera aadha dard unhone apne upar le liya tha.”
“Mae haspatal ke bed par unka haath thaame so gai aur jab thodi der baad meri aankhen khuli to saamne mere mata, pita, bhai,behan sab thay aur unse pooch rahe thay, “ kya hua tha? tumhe kaise pata chala? tum isse yahan kaise le aaye?”
“Unse jhooth na bola gaya aur puri kahani unhe bata di. Mere Pitaji ne unhe ek zor ka thappad laga diya.Tabhi mae bol uthi, “Pitaji mae bhi inhe chahti hun. Inhe na maaren” aur meri aankhon se aansoo behne lage. Is tarah se hamare pyar ka bhed mere ghar walon ke aage khul gaya.”
13 Feb 2012, Time 10:15 PM
Mae unki kahani sun raha tha aur saamne fawwaron ki dusri taraf dekha to meri ex-wife bhi wahan us buzurg aadmi ke saath baithi kuchh baatein kar rahi thi. Mausam mae kuchh badlaav sa tha. Hawa tez ho gai thi aur baadlon ke garazne ki awaaz sunai dene lagi. “February mae aisa mausam to nahi hota” maine socha.
Maine mataji se poocha, “Fir kya hua?”
Wo aage batane lagi, “Mere Pitaji aur unke pitaji ne ek doosre se baat ki aur hamara rishta pakka kar diya. Aise hamari shaadi ho gayi.”
“Hum dono bahut khush thay. Samay guzarta gaya aur ab hamari nok-jhonk shuru ho gai thi. Wo nok-jhonk kab jung mae badal gai pata hi nahi chala. Roz raat ko hamara jhagda hota. Subah tak sab theek ho jaata. Par hamari ek doosre se jung kabhi khatam na hoti. Kabhi lagta ki khud ko maar daalun aur kabhi lagta unhe hi maar daalun. Hamare zamane mae talaak ko bahut buri nazar se dekha jaata tha nahi to shayad hum talaak le hi chuke hote. Par achha hi hua jo humne aisa koi galat kadam nahi uthaya. Nahi to mae khud ko kabhi maaf na kar paati, aur na hi wo.”
“Ek din jab wo ghar aaye to unhone mujhe zameen par behosh gira paaya. Unhone fir se mujhe apni baahon mae bhar liya aur paas ke haspatal le gaye. Wahan sab tests kiye gaye aur pata chala ki meri dono kidneys kharaab ho chuki hain.”
“Tab maine unse kaha jo aap chahte thay, wo aapko mil gaya. Mae bas thodey hi dino ki mehmaan hoon. Itna sunte hi unki aankhon mae jo mere liye pyar tha wo aansoo ban kar baahar chhalakne laga. Wo mujhse lipat gaye aur kehne lage mae tumse bahut pyar karta hun. Mae tumhare bina nahi reh sakta. Tumhe kuchh ho jaaye us se pehle meri hi jaan chali jaaye. Mae tumhe kuchh nahi hone dunga.”
“Is baat par maine unse kaha, “Aap to roz mujhse jhagda karte hain. Mae rahun na rahun aapko kya fark padega. Pyar hota to aise na jhagadte.” Wo bole, “Tum bhi to hamesha mujhse jhagadti rehti ho. Waise bhi mujhe kaam ka tanaav itna zyada ho jaata hai kabhi kabhi ki kisi aur ka gussa tum par nikal jaata hai, tum meri apni jo ho. Par tum mujhse kyon jhagadti ho?” Maine kaha “Mujhe lagta hai ab aap mujhse pyaar hi nahi karte. Isliye tanaav mae, gusse mae kuchh bhi bol deti hun. Par aap kyon itna bura maan jaate hain meri baaton ka” Is par wo bole “Mae tumhe khud se bhi jyada mohabbat karta hoon. Tum ho to mera wajood hai, tum na hoti to ye tanaav shayad meri jaan hi le chuka hota.” Maine unke muh par haath rakhte hue kaha “Jaan jaye aapke dushmano ki.
Court room
“Aap dono yahan sign kar dein, Apni apni copy le kar ab aap jaa sakte hain.” Itna sunte hi mae khushi ke mare uchhal pada.
13 Feb 2012, Time 6:00 PM
Ek madhushala mein baitha, sharaab ke nashe mein dubta chala jaa raha mae, aaj bahut khush hun, barson baad aaj aazadi ki saans le raha hun, aaj mera talaak ho gaya hai.
13 Feb 2012, Time 8:00 PM
Mae ek garden mein lage bench par baitha saamne chalte hue fawwaron ki taraf dekh raha hun aur wahan lage speakers mein se madhur vadya sangeet mere kaano mein sunai de raha hai. Halki halki thandi hawa ka jhonka aata aur saath mein raat ki rani ki khushbu aur fawwaron ki kuchh boonde mujh tak Pahunchata. Par Na jane kyon, ye sab mujhe ab achha nahi lag raha… ek bechaini si hai mann mein, lag raha hai jaise mae zindagi ke kisi test mein fail ho chuka hun.
Mae gum-sum sa fawwaron ko dekh raha hun tabhi meri ex-wife fawwaron ki dusri taraf lage bench par aa kar baith gai. Usse dekh kar mae aur bechain ho gaya. Hum ek dusre se ab nazre bhi nahi mila paa rahe hain.
Ek zamana tha jab hum dono yahin mila karte thay, saath baith kar ghanton pyaar bhari baatein karte thay. Par Shaadi ke baad wo pyar na jaane kahan kho gaya aur aaj hum aamne saamne hote hue bhi bahut door ho chuke hain.
13 Feb 2012, Time 8:15 PM
Ek buzurg mahila mere saath bench par aa kar baith gai, maine fawwaron ke dusri taraf dekha to ek buzurg aadmi meri ex-wife ke saath baitha hua tha.
Wahan baithe baithe mae apni shaadi se pehle ke dino mein kho gaya, jab hum ek dusre se milne ke liye tadpa karte thay.Mujhe yaad aane lage wo din jab hum ek dusre se pehli baar yahan is garden mein mile thay. Wo aise hi dusri taraf mere saamne ke bench par baithi hui thi. Fawware chal rahe thay aur thandi hawa ke jhonke us din bhi kabhi mujh par kabhi us par paani ki kuchh boonde barsa kar us mahaul ko romani bana rahe thay. Yahi raat ki rani ki khushbu mere jazbaton ko aur romani banati chali jaa rahi thi.
Ab mae roz ussi garden mein pahunch jaata aur wo wahin us bench par baithi dikhti. Samay guzarta gaya aur ek din mae seedha uske paas gaya aur saath baith gaya. Maine kuchh idhar udhar ki baatein shuru ki to wo bhi mujhse baatein karne lagi. Ab roz hamari mulakaton ke silsile shuru ho chuke thay aur kab ye silsile pyar mae badal gaye pata hi nahi chala.
Ab hum ek dusre se milne ke liye tadpa karte thay. Yahan bench par baithe ghanto pyaar bhari baatein karte aur ek din hum dono ne shaadi ka faisla kar liya. Ghar walon ki razamandi se hamari shaadi bhi ho gai.
Sab kuchh bahut achha chal raha tha par samay ne apna pahiya ghuma hi diya. Hum dono apne apne kaamon mae mashroof hote chale gaye. Aur is wajah se ek dusre ko poora samay nahi de paa rahe thay. Hamari chhoti moti nok-jhonk bhi ab shuru ho gayi thi. Kaam ka itna tanaav tha hum dono par ki ab hum kuchh bhi baat karte to jhagda shuru ho jaaya karta tha. Hamare itne jhagde shuru ho gaye ki ab ek dusre ki maujudgi bhi hame kaatne ko daudti thi.
Aakhirkaar humne faisla kiya aur aapsi razamandi se talaak le liya. Hum jo chahate thay humein mil gaya fir bhi mae aaj khush hote hue bhi dil ke kisi kone mae kuchh dard ko mehsoos kyon kar raha hoon? Mujhe samajh nahi aa raha, aisa kyon ho raha hai. Na jane kyon meri aankhon mein nami si mehsoos ho rahi hai. Kyon mera dil aur dimaag mera saath nahi de raha? Mae khush hote hue bhi aakhir khushi mehsoos kyon nahi kar paa raha? Aakhir ye kaisa dard hai? Aise kitne hi sawaal mere zehan mae aa kar mujhe bechain kiye jaa rahe hain.
13 Feb 2012, Time 9:00 PM
Meri aankhon mae nami ko dekh, wo buzurg mahila jo mere saath bench par baithi hain mujhse poochne lagi “Beta kya hua? Udaas Kyon ho”. Maine unse kaha, “Nahi mataji udaas nahi, aaj to bahut khushi ka din hai mere liye. Aaj to mujhe azaadi mili hai apni jhagdalu biwi se. Aaj maine puri tarah chhutkara paa liya hai us se talaak le ke. Shayad ye Khushi ke ansoo hain.”
Tabhi mataji boli “Tum khush to nahi lag rahe, tumhare chehre par mae dukh ko dekh paa rahi hun, ye agar khushi ke aansoo hote to mae tumhare chehre par raunak dekh paati par yahan to kewal gham ke baadal hi dikhai de rahe hain”.
Mujhe unki baatein sun kar laga jaise wo meri us bechaini ka kaaran jaanti hon, jo mujhe khud ko samajh nahi aa rahi. Maine unse ye poochna chaha par mere poochne se pehle hi unhone ek gehri saans li aur boli, “ek kahani sunoge?” Maine apna sir haan mae hila diya.
Mataji ne kahani shuru karte hue kaha ye meri apni kahani hai, dhyaan se sunna aur samajhna.
13 Feb 2012, Time 9:15 PM
“Baat tab ki hai jab mae 18 saal ki thi. Mere saamne wale ghar mein wo raha karte thay. Mae apne kamre ki khidki kholti to saamne wo dikh hi jaaya karte thay. Aur jis din wo na dikhte mujhe bechaini si hone lagti thi.”
“Samay guzarne laga ab wo bhi mere kamre ki khidki khulne ka intezaar karne lage. Mae jab bhi khidki kholti unhe saamne hi paati. Us zamane mein telephone aur mobile to hua nahi karte thay, isliye humne aankhon se baatein karni seekh li thi.”
“Ek din hamare mohalle mae kisi ki shaadi thi. Mere mata, pita, bhai, behan sab wahan jaa rahe thay par meri tabiyat theek na hone ke kaaran mae nahi gai, ghar par hi ruk gai aur sochne lagi kaash mae bhi jaa paati, aur unka deedar ho pata. Pura mohalla ab shaadi par jaa chuka tha. Maine khidki kholi to ittefaq se wo bhi apni khidki par khade thay. Mae bahut khush ho gai unhe dekh kar. Unhone mujhe ishare se bahar bulaya aur mae bhaagti hui bahar pahunch gai. Itne nazdeek se pehli baar maine unhe dekha aur unhone mujhe. Wo bole jab sab shaadi par jaa rahe thay, tum mujhe unke saath jaati hui dikhai nahi di, to mae bhi ruk gaya. Is par maine unse poocha “Kyon, aakhir hum lagte kya hain aapke?” Unhone kaha, “Tumhe mae pasand karta hun, kya tum bhi mujhe chahati ho?”
“Mae sharma kar ghar ke andar bhaag gai. Mera jawaab jaan ne ke liye wo bhi mere peeche peeche andar aa gaye. Mujhe aaj bhi yaad hai wo geet jo us waqt radio mae baj raha tha”
“Ehsaan tera hoga mujhpar, dil chahta hai wo kehne do.
Mujhe tumse mohabbat ho gai hai, mujhe palkon ki chaav mae rehne do.”
“Mae sharma bhi rahi thi aur darr bhi rahi thi. Unhone fir se poocha “Tumne mujhe jawaab nahi diya” Us par mae boli “Ye jo geet baj raha hai, issi mae kahin mera jawaab bhi chhupa hai.” Tabhi unhone mujhe apni baahon mae bhar liya. Mae ghabra gai aur seediyon ki taraf bhaagi, ek dam se mera paun fisla aur mae girti hui fir neeche unke saamne aa gai. Meri ek laat toot gai thi. Mae dard mae karahane lagi. Unse dekha na gaya aur mujhe apni baahon mae utha kar wo baahar ki taraf bhaage aur paas wale haspatal le jaa kar mujhe wahan bharti karwa diya.”
“Unke apne saath hone ke ehsaas ne hi mera aadha dard door kar diya tha. Maine unki taraf dekha to unki aankhen namm thi. Shayad mera aadha dard unhone apne upar le liya tha.”
“Mae haspatal ke bed par unka haath thaame so gai aur jab thodi der baad meri aankhen khuli to saamne mere mata, pita, bhai,behan sab thay aur unse pooch rahe thay, “ kya hua tha? tumhe kaise pata chala? tum isse yahan kaise le aaye?”
“Unse jhooth na bola gaya aur puri kahani unhe bata di. Mere Pitaji ne unhe ek zor ka thappad laga diya.Tabhi mae bol uthi, “Pitaji mae bhi inhe chahti hun. Inhe na maaren” aur meri aankhon se aansoo behne lage. Is tarah se hamare pyar ka bhed mere ghar walon ke aage khul gaya.”
13 Feb 2012, Time 10:15 PM
Mae unki kahani sun raha tha aur saamne fawwaron ki dusri taraf dekha to meri ex-wife bhi wahan us buzurg aadmi ke saath baithi kuchh baatein kar rahi thi. Mausam mae kuchh badlaav sa tha. Hawa tez ho gai thi aur baadlon ke garazne ki awaaz sunai dene lagi. “February mae aisa mausam to nahi hota” maine socha.
Maine mataji se poocha, “Fir kya hua?”
Wo aage batane lagi, “Mere Pitaji aur unke pitaji ne ek doosre se baat ki aur hamara rishta pakka kar diya. Aise hamari shaadi ho gayi.”
“Hum dono bahut khush thay. Samay guzarta gaya aur ab hamari nok-jhonk shuru ho gai thi. Wo nok-jhonk kab jung mae badal gai pata hi nahi chala. Roz raat ko hamara jhagda hota. Subah tak sab theek ho jaata. Par hamari ek doosre se jung kabhi khatam na hoti. Kabhi lagta ki khud ko maar daalun aur kabhi lagta unhe hi maar daalun. Hamare zamane mae talaak ko bahut buri nazar se dekha jaata tha nahi to shayad hum talaak le hi chuke hote. Par achha hi hua jo humne aisa koi galat kadam nahi uthaya. Nahi to mae khud ko kabhi maaf na kar paati, aur na hi wo.”
“Ek din jab wo ghar aaye to unhone mujhe zameen par behosh gira paaya. Unhone fir se mujhe apni baahon mae bhar liya aur paas ke haspatal le gaye. Wahan sab tests kiye gaye aur pata chala ki meri dono kidneys kharaab ho chuki hain.”
“Tab maine unse kaha jo aap chahte thay, wo aapko mil gaya. Mae bas thodey hi dino ki mehmaan hoon. Itna sunte hi unki aankhon mae jo mere liye pyar tha wo aansoo ban kar baahar chhalakne laga. Wo mujhse lipat gaye aur kehne lage mae tumse bahut pyar karta hun. Mae tumhare bina nahi reh sakta. Tumhe kuchh ho jaaye us se pehle meri hi jaan chali jaaye. Mae tumhe kuchh nahi hone dunga.”
“Is baat par maine unse kaha, “Aap to roz mujhse jhagda karte hain. Mae rahun na rahun aapko kya fark padega. Pyar hota to aise na jhagadte.” Wo bole, “Tum bhi to hamesha mujhse jhagadti rehti ho. Waise bhi mujhe kaam ka tanaav itna zyada ho jaata hai kabhi kabhi ki kisi aur ka gussa tum par nikal jaata hai, tum meri apni jo ho. Par tum mujhse kyon jhagadti ho?” Maine kaha “Mujhe lagta hai ab aap mujhse pyaar hi nahi karte. Isliye tanaav mae, gusse mae kuchh bhi bol deti hun. Par aap kyon itna bura maan jaate hain meri baaton ka” Is par wo bole “Mae tumhe khud se bhi jyada mohabbat karta hoon. Tum ho to mera wajood hai, tum na hoti to ye tanaav shayad meri jaan hi le chuka hota.” Maine unke muh par haath rakhte hue kaha “Jaan jaye aapke dushmano ki.